ഒടുവിൽ നീയും
ഒരു തീ നാളമായ് ആളിപടരും
താപശരമേൽക്കാതിരിക്കാൻ
നീ തീർത്ത നിന്റെ കവച കുണ്ഡലത്തിൽ
ദ്വാരം വീണിരിക്കുന്നു
തീപന്തങ്ങളുടെ ചൂടേറ്റ്
നിന്റെ വൃക്ഷകയ്യ്കൾ കരിഞ്ഞു വീഴും
നിന്റെ മാറിടം ഇരുമ്പ് കയ്യാൽ പറിച്ചെടുക്കും
നിന്റെ കണ്ണുനീർ ഗർത്തങ്ങൾ
അഗ്നിസ്പർ ശത്താൽ ആവിയാകും
നിന്റെ വിയർപ്പുഗ്രന്ഥികൾ
കോണ്ക്രീറ്റ് പുതപ്പാൽ മൂടപ്പെടും
നീയറിഞ്ഞോ...?
ഇപ്പോൾ മഴ മേഘങ്ങൾ നിന്നെകുറിച്ചോർത്ത്
കണ്ണീർ പൊഴിക്കാൻ ഇത് വഴി വരാറില്ല
ഇത് നിന്റെ വിധിയാണ്
നീ പ്രസവിച്ച നിന്റെ ക്രൂര വിധി
തിരിഞ്ഞുനോക്കാൻ ഇഷ്ടപെടാത്ത
നിന്റെ സന്തതികൾ
നിനക്കായ് കരുതിവച്ച ചിതയാണിത്
അമ്മേ മാപ്പ് .......
നിന്നിലൊരു തീ നാളമായ്
അലിഞ്ഞു ചെരാനെ എനിക്കും കഴിയു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ